اگر آپ کو نیند کم آتی ہے، آپ بے خوابی کا شکار ہیں یا نیند کا معیار ناقص ہے تو برطانوی ڈاکٹر کرن راجن نے اپنے ٹک ٹاک اکاﺅنٹ [email protected] پر بے خوابی کے شکار لوگوں کو ایک فارمولا بتایا ہے جس پر عمل کرکے لوگ اپنی نیند کو بہتر بنا سکتے ہیں، یہ فارمولا 10-3-2-1 ہے، اس فارمولے کی وضاحت کرتے ہوئے ڈاکٹر کرن نے بتایا کہ آپ بستر میں جانے سے 10 گھنٹے قبل کیفین لینا بند کر دیں، کیونکہ ہمارے جسم کو کیفین کے اثرات سے نکلنے میں 10 گھنٹے لگتے ہیں، اس کے بعد سونے سے 3 گھنٹے قبل کوئی بھاری کھانا مت کھائیں، اس طرح آپ سینے کی جلن اور نیند میں خلل سے بچ سکیں گے۔
مذیدپڑھیں: ہاتھی کی زمین سے کچرا اٹھا کر کوڑے دان میں ڈالنے کی ویڈیو
ڈاکٹر کرن راجن نے کہا کہ نیند سے 2 گھنٹے قبل کوئی بھی کام کرنا بند کر دیں اور یہ دو گھنٹے فراغت میں گزاریں، اس طرح آپ کے دماغ کو سکون کی حالت میں جانے میں مدد ملے گی اور آخر میں بستر میں جانے سے 1 گھنٹہ قبل کسی بھی طرح کی سکرین دیکھنا بند کر دیں، اس میں موبائل فون، لیپ ٹاپ، ٹی وی غرض ہر طرح کی سکرین شامل ہے، ڈاکٹر کرن کا کہنا تھا کہ اس فارمولے پر عمل کرنے سے آپ کو بہت جلد نیند آئے گی اور نیند کا معیار بھی بہت بہتر ہو جائے گا۔
