غیر ملکی خبر رساں ادارے کے حوالے سے دعویٰ کیا جا رہے کہ برطانوی حکومت نے پاکستان مسلم لیگ (ن) کے قائد اور سابق وزیر اعظم نواز شریف کے ویزہ کی مدت میں توسیع سے انکار کردیا ہے، ذرائع کے مطابق سابق وزیر اعظم نے برطانوی حکومت کو اپنے ویزہ کی مدت میں توسیع کی درخواست دی تھی تاہم برطانوی وزارت داخلہ نے ان کی اس درخواست کو مسترد کردیا ہے، ویزہ میں توسیع کی درخواست مسترد ہونے کے بعد سابق وزیر اعظم کے پاس برطانیہ چھوڑنے کیلئے صرف چند روز باقی رہ گئے ہیں۔
مذیدپڑھیں: نواز شریف نے آزاد کشمیر کے حالیہ الیکشن کی شفافیت پر سوالات اٹھا دیئے
برطانوی وزارت داخلہ کی جانب سے کہا گیا ہے کہ نوازشریف فیصلے کے خلاف امیگریشن ٹربیونل میں اپیل کرسکتے ہیں، نواز شریف کی جانب سے امیگریشن ٹربیونل میں درخواست دائر کردی گئی ہے۔ جب تک ٹربیونل کوئی فیصلہ نہیں سنا دیتا تب تک وزارت داخلہ کا حکم غیر موثر رہے گا۔
