غیر ملکی خبر رساں ادارے کے مطابق عالمی ادارہ صحت کی جانب سے کہا گیا ہے کہ کورونا وائرس کی بھارتی شکل ڈیلٹا وائرس تیزی سے پھیلنے والی بیماری بن چکی ہے، اس کے ہسپتال میں مریضوں کی شرح 120 فیصد جبکہ اموات 137 فیصد تک بڑھ جانے کا خدشہ ہے، عالمی ادارہ صحت کے مشرقی بحیرہ روم کیلئے ریجنل ڈائریکٹر احمد المنظری نے عرب خبر رساں ادارے کو بتایا کہ 28 جولائی تک دنیا بھر کے 132 ممالک ڈیلٹا ویرینٹ سے متاثر ہو چکے تھے جن میں مشرق وسطی کے 16 ممالک بھی شامل ہیں، ڈیلٹا وائرس اب بھی تیزی سے پھیل رہا ہے اور یہ عالمی وباء کی شکل اختیار کرنے والا ہے۔
مذیدپڑھیں: کورونا کی بھارتی قسم دنیا کیلئے ناسور بن گئی، چین اور آسٹریلیا میں حالات خراب
میڈیا سے گفتگو کرتے ہوئے احمد المنظری نے بتایا کہ یہ اس وقت تشویش کی بات ہے کہ انتہائی نگہداشت یونٹ میں داخل ہونے کا خطرہ 287 فیصد بڑھ گیا ہے، تحفظ کیلئے ایس او پیز اپنانے ہوں گے، جن میں سب سے پہلے ویکسین، مناسب فاصلہ، ماسک کا استعمال، ہاتھ دھونا اور پرہجوم جگہوں سے گریز کرنا شامل ہے۔
