تفصیلات کے مطابق انٹرنیشنل مانیٹری فنڈ (آئی ایم ایف) کی جانب سے پاکستان کو دو ارب 77 کروڑ ڈالر ٹرانسفر کر دیے گئے ہیں، اس حوالے سے ذرائع کی جانب سے دعویٰ کیا گیا ہے کہ آئی ایم ایف سے رقم کی وصولی کے بعد پاکستان کے زرمبادلہ کے ذخائر تاریخ کی بلند ترین سطح پر پہنچ جائیں گے۔
وزارت خزانہ کے ذرائع کا کہنا ہے کہ آئی ایم ایف نے یہ قرضہ انتہائی کم شرح سود پر بلا مشروط دیا ہے، یہ پاکستان کیلئے آئی ایم ایف پروگرام کا بھی حصہ نہیں ہے اور اس کی واپسی کے وقت کا بھی تعین نہیں کیا گیا۔
مذیدپڑھیں: جو پاکستان بننے جا رہا رہے ہیں وہ غریب ممالک کو امداد فراہم کیا کرے گا: وزیراعظم
آئی ایم ایف نے اپنے اعلامیے میں کہا ہے کہ آج تاریخی دن ہے اور رکن ممالک نے 650 ارب ڈالر وصول کرلیے ہیں، رکن ممالک اِس رقم کو غیر مشروط طور پر استعمال کر سکتے ہیں، رکن ممالک کو منتقل کی گئی رقم زرمبادلہ کے ذخائر بڑھانے یا قرض کی ادائیگی کیلئے استعمال کی جاسکتی ہے۔
