مشن امپوسیبل کی ساتویں فلم کی پروڈکشن نے کورونا وائرس کی وجہ سے 7 مرتبہ شٹ ڈاؤنز پر انشورنس کمپنی پر مقدمہ کردیا۔
غیر ملکی خبررساں ادارے کے مطابق دائر کیے گئے مقدمے میں فلم کی انشورنس کمپنی پر ایک کے علاوہ دیگر 6 مہنگے ترین شٹ ڈاؤنز کی ادائیگی نہ کرنے کا الزام عائد کیا گیا ہے۔
یہ بھی پڑھیں: “مشن امپاسبل 7” کی شوٹنگ کورونا وائرس کے باعث معطل
کیلیفورنیا میں امریکی فیڈرل کورٹ میں پیراماؤنٹ پکچرز کی جانب سے دائر مقدمے میں کہا گیا کہ ٹام کروز کے مرکزی کردار پر مبنی اس ایکشن سیریز کی فلم بندی فروری 2020 سے جنوری 2021 کے درمیان اٹلی میں 4 اور امریکا میں 3 مرتبہ تاخیر کا شکار ہوئی۔
مذکورہ تاخیر فلم کی کاسٹ یا عملے سے وابستہ افراد میں کورونا وائرس کے مثبت کیسز، جن ممالک میں شوٹنگ کی جارہی تھی وہاں نافذ قرنطینہ یا لاک ڈاؤنز کی وجہ سے ہوئی۔
یہ بھی پڑھیں: ہالی ووڈ اداکارہ نے ٹام کروز کا ریکارڈ توڑ دیا
مقدمے میں انڈیانا میں واقع فیڈرل انشورنس کمپنی پر معاہدے کی خلاف ورزی کا الزام لگاتے ہوئے کہا گیا کہ کمپنی نے صرف پہلے شٹ ڈاؤن کے لیے 50 لاکھ ڈالر ادا کرنے پر رضامندی ظاہر کی۔
فیڈرل انشورنس کمپنی سے اس معاملے پر تبصرے کے لیے رابطہ کیا گیا تو فوری طور پر کوئی جواب موصول نہیں ہوا۔
