افغان میڈیا رپورٹس کے مطابق طالبان کی جانب سے تمام ممالک سے کہا گیا ہے کہ وہ افغانستان میں بند اپنے سفارتخانے کھول لیں، ذرائع کے مطابق یہ اپیل طالبان رہنما مولودی شہاب الدین دلاور کی جانب سے کی گئی ہے، انہوں نے کہا ہے کہ طالبان امریکہ کے ساتھ بھی بہتر تعلقات کے خواہش مند ہیں، مولوی شہاب الدین دلاور نے کہا ہے کہ جن ممالک نے اپنے سفارتخانے بند نہیں کیے ہیں ان کا شکریہ ادا کرتے ہیں۔
مذیدپڑھیں: افغانستان میں ہماری جنگ اختتام پذیر ہوچکی، اب طالبان کا امتحان ہے: زلمے خلیل زاد
مولوی شہاب الدین دلاور نے کہا کہ دیگر ممالک بھی پر امن طریقے سے اپنے سفارتخانے کھول سکتے ہیں، مولوی شہاب الدین دلاور نے واضح کیا ہے کہ دوحہ معاہدے میں افغانستان کے مفادات کو مد نظر رکھا جائے گا، انہوں نے کہا کہ افغان عوام کو کہتے ہیں کہ سب متحد ہو جائیں۔
