تفصیلات کے مطابق آرمی چیف نے نیشنل کمانڈ اینڈ آپریشنل سینٹر میں دی گئی بریفنگ میں شرکت کی جس میں کورونا وائرس سے نمٹنے کے لیے اٹھائے گئے اقدامات پر تفصیل سے آگاہ کیا گیا۔
اس موقع پر آرمی چیف جنرل قمر جاوید باجوہ نے کہا کہ عوام کےتحفظ کے لیے تمام ضروری اقدامات بروئے کار لائے گئے ہیں، ہم کسی طبقہ فکر کو اس وبا میں تنہا نہیں چھوڑ سکتے، کورونا وائرس سےبچاؤ اور مشکل کی گھڑی میں مدد کیلئے ہر شہری تک پہنچیں گے۔
ان کا مزید کہنا تھا کہ قومی مربوط کوشش سے ان خطرات پر قابو پاسکتے ہیں، طےکردہ اقدامات بروقت کر لیے گئے تو پورا معاشرہ محفوظ رہے گا اس لیے ہمیں بلاتفریق رنگ ونسل ایک قوم بن کر اس وبا سے لڑنا ہے۔
مزید پڑھیں: نیشنل کورآرڈینیشن کمیٹی کااجلاس جاری، آرمی چیف اور اعلیٰ عسکری و سول حکام شریک
