سعودی عرب پر حوثی باغیوں کے حملوں اور تشدد کے واقعات کی یمن میں مقیم امریکی سفیر نے شدید مذمت کرتے ہوئے کہا کہ حوثی باغی امن مساعی سے بھاگ رہے ہیں۔ یمن میں امریکا کے سفیر کریسٹوفر ھنرل نے کہا کہ حوثی باغیوں کا جنگ بندی کی کوششوں پرمثبت جواب نہ دینا اور سعودی عرب پر ڈرون طیاروں اور بیلسٹک میزائلوں سے حملہ کرنا امن مساعی سے فرار اختیار کرنے کے مترادف ہے۔
دوسری طرف یمن کی آئینی حکموت کے وزیراعظم معین عبدالملک نے کہا ہے کہ حوثی باغیوں کی طرف سے سعودی عرب کے شہری علاقوں پر حملے اور یمن میں متعدد محاذوں پر عسکری جارحیت میں اضافہ اس بات کا واضح اشارہ ہے کہ حوثی اقوام متحدہ کی کوششوں سے ملک میں جنگ بندی کی مساعی سے فرار اختیار کررہے ہیں۔
مذیدپڑھیں: حوثی باغیوں کی جانب سے میزائل حملوں کو سعودی فضائیہ نے ناکام بنا دیا
یمنی وزیراعظم معین عبدالملک نے کہا کہ یمنی حکومت عدن کی انقلابی کونسل کے ساتھ سعودی عرب کی میزبانی میں طے پائے جنگ بندی معاہدے پر عمل درآمد یقینی بنائے گی۔
