غیر ملکی خبر رساں ادارے کے مطابق بھارت میں کسانوں کا احتجاج 18 ویں روز میں داخل ہوگیا ہے، کسانوں نے احتجاج میں تیزی لاتے ہوئے آج دلی جے پور روڈ بلاک کرنے کا اعلان کیا ہے۔ کسانوں نے 14 دسمبر کو ملک گیر احتجاج کی کال دی رکھی ہے۔ کسان ڈپٹی کلیکٹروں کے دفتروں اور بی جے پی رہنماؤں کے گھروں کے باہر بھی مظاہرہ کریں گے۔ بھارتیہ کسان یونین کے رہنما بلبیر ایس راجے وال نے کہا ہے آج کسان دلی جے پورہائی وے کو بلاک کر دیں گے اور انہیں ٹول فری کریں گے۔ ادھر ملک گیر احتجاج کی اپیل پر مختلف شہروں سے کسانوں کی آمد کا سلسلہ بھی جاری ہے۔
مذیدپڑھیں: بھارت: متنازعہ زرعی قوانین کے خلاف کسانوں کے احتجاج میں شدت، بعض مقامات پر جھڑپیں
دوسری جانب کانگریس رہنما راہل گاندھی نے سوشل میڈیا پر مظاہروں کے دوران 11 کسانوں کے دم توڑنے کی خبر شیئر کرتے ہوئے لکھا کہ زرعی قوانین کو ختم کرنے کیلئے مزید کتنی قربانیاں دینا ہوں گی۔
