تفصیلات کے مطابق بجلی اور پیٹرولیم مصنوعات کے بعد حکومت کی جانب سے ایل پی جی کی قیمت میں ریکارڈ اضافے نے نئے سال کی خوشیوں کو ماند کر دیا۔ ذرائع کے مطابق فی کلو ایل پی جی 15 روپے مہنگی ہوگئی ہے، ایل پی جی ایسوسی ایشن کی جانب سے جاری بیان کے مطابق جنوری 2021 سے ایل پی جی کی قیمت 132 روپے فی کلو کی بجائے 147 روپے فی کلو ہوگی، گھریلو سلنڈر کی قیمت میں بھی 180 روپے کا اضافہ کیا گیا ہے، جس کے بعد گھریلو سلنڈر 1553 کی جگہ 1733 میں دستیاب ہوگا، جبکہ کمرشل سلنڈر کی قیمت میں بھی 692 روپے اضافہ کردیا گیا ہے۔

مذیدپڑھیں: نئے سال کے آغاز پر پیٹرول اور ڈیزل کی قیمتوں میں اضافے کا امکان

چئیرمین ایل پی جی ایسوسی ایشن کا کہنا ہے کہ بین الاقوامی مارکیٹ میں ایل پی جی کی فی میٹرک ٹن قیمت میں 79 ڈالر اضافہ ہوا ہے، جس کے بعد ایل پی جی کی قیمت 457 ڈالر سے بڑھ کر 536 ڈالر پر پہنچ گئی ہے۔ چئیرمین ایل پی جی ایسوسی ایشن نے کہا ہے کہ ایل پی جی پر لیوی سمیت تمام ٹیکسز کا خاتمہ نہ کیا گیا تو 15 جنوری 2021 سے خیبر سے کراچی تک گیس کی سپلائی بند کر دیں گے۔