حکومت نے بجلی کی قیمت میں ایک بار پھر اضافہ کر دیا ہے، بجلی کی قیمتوں میں 1 روپے 6 پیسے فی یونٹ اضافہ کیا گیا ہے، جب کہ نیپرا نے اس حوالے سے نوٹیفکیشن بھی جاری کردیا ہے۔
نوٹیفکیشن کے مطابق بجلی کی قیمتوں میں اضافہ ماہانہ فیول ایڈجسٹمنٹ کی مد میں کیا گیا ہے، جس کے تحت اکتوبرکے لئے 29 پیسے اور نومبر کے لئے 76 پیسے فی یونٹ اضافہ کیا گیا ہے، قیمتوں میں اضافے کے بعد صارفین پر 8 ارب 40 کروڑ روپے کا اضافی بوجھ پڑے گا، جب کہ بجلی کی قیمتوں میں اضافے کا اطلاق رواں ماہ صارفین کے بلوں پر ہوگا۔
یہ بھی پڑھیں: حکومت کا آئی ایم ایف پروگرام بحال رکھنے کےلیے بجلی کے اضافے پر غور
