ہالی ووڈ کے لیجنڈری اداکار اور فلم ساز آرنلڈ شوازنیگر نے ٹوئٹر پر جاری اپنے ویڈیو بیان میں کہا کہ امریکی صدر بری طرح ناکام ہوگئے، انہوں نے 7 جنوری کو کیپیٹل ہل پر دھاوا بولے جانے والے واقعے پر شدید تنقید کی۔

انہوں نے مذکورہ واقعے کو 1938 میں جرمنی کے واقعے سے تشبیہ دی جہاں 1938 میں جرمنی اور آسٹریا میں نازیوں نے یہودیوں کے گھروں، اسکولز اور کاروباروں پر دھاوا بولا تھا۔

My message to my fellow Americans and friends around the world following this week’s attack on the Capitol. pic.twitter.com/blOy35LWJ5

— Arnold (@Schwarzenegger) January 10, 2021

اداکار کا کہنا تھا کہ مشتعل ہجوم نے ناصرف کیپیٹل ہل کی کھڑکیاں بلکہ ہمارے نظریات بھی توڑے، ان لوگوں نے ان اصولوں کو توڑا جن پر ہمارے ملک کی بنیاد رکھی گئی تھی۔ اپنے ویڈیو بیان میں آرنلڈ شوازینگر نے امریکی دائیں بازو کے انتہا پسند گروپ کا موازنہ نازیوں سے کیا۔