عمران خان آئی سی سی کے بہترین کپتان قرار

آئی سی سی نے ٹوئٹر پر "پیس سیٹ” کے عنوان سے ایک پوسٹ شیئر کرتے ہوئے پاکستان کے سابق کپتان اور موجودہ وزیراعظم عمران خان، بھارتی ویرات کوہلی، جنوبی افریقی اے بی ڈی ویلیئرز اور آسٹریلوی خاتون کرکٹر میگ لیننگ کا نام دیتے ہوئے لکھا کہ کپتان بننے کے بعد ان کرکٹر کی بیٹنگ یا بولنگ اوسط بہتر ہوئی، آپ کے خیال میں ان چاروں افراد میں سے کس نے قیادت سنبھالنے کے بعد بہترین کارکردگی دکھائی۔

Captaincy proved a blessing for some extraordinary cricketers 🧢🏏

Their averages improved as leaders 📈

You decide which of these ‘pacesetters’ were the best among these geniuses! pic.twitter.com/yWEp4WgMun

— ICC (@ICC) January 12, 2021

یہ بھی پڑھیں: آئی سی سی ٹیسٹ رینکنگ میں نیوزی لینڈ کی ٹاپ پوزیشن

پولنگ میں 5 لاکھ سے زیادہ افراد نے اپنی رائے کا اظہار کیا اور عمران خان 47 فیصد ووٹ حاصل کرکے کامیاب قرار پائے، ابتدا میں پاکستانی ٹیم کے سابق کپتان 49 فیصد کے ساتھ واضح برتری لیے ہوئے تھے لیکن آہستہ آہستہ ویرات کوہلی کے ووٹوں میں اضافہ ہوتا گیا، آخری لمحات میں سخت مقابلہ ہوا، پولنگ کا وقت ختم ہونے سے 17 منٹ قبل تک بھارتی کپتان کو ایک فیصد کی برتری حاصل تھی، آخر میں ڈرامائی انداز میں عمران خان کے چاہنے والوں نے ووٹنگ میں بھرپور حصہ لیتے ہوئے زور لگایا اور بازی جیت لی۔