وفاقی وزیر خزانہ ڈاکٹر عبدالحفیظ شیخ کی زیر صدارت اقتصادی رابطہ کمیٹی کا اجلاس آج ہو گا، اجلاس میں 6 نکاتی ایجنڈے پر غور کیا جائے گا جبکہ اہم فیصلے بھی متوقع ہیں۔

اقتصادی رابطہ کمیٹی کے ہونے والے اجلاس میں 5سالہ ٹیکسٹائل پالیسی کی منظوری دے گی، ٹیکسٹائل پالیسی میں انڈسٹری کی بحالی کیلئے مراعات رکھی گئی ہیں جبکہ بند ٹیکسٹائل ملز کی بحالی کیلئے بھی خصوصی اقدامات کئے جانے کا امکان ہے۔ ای سی سی منظوری کے بعد وفاقی کابینہ سے ٹیکسٹائل پالیسی کی حتمی منظوری لی جائے گی۔

ذرائع کے مطابق نئی ٹیکسٹائل مل لگانے کیلئے خصوصی پیکج رکھا گیاہے، موثر ٹیکسٹائل پالیسی نہ ہونے سے گزشتہ دور میں 200 ملز بند تھیں، وزیراعظم کی ہدایت پر پانچ سالہ پالیسی تیار کی گئی ہے۔

مذیدپڑھیں: وزیراعظم نے مہنگائی کے حوالے سے اجلاس طلب کرلیا

اجلاس میں روڈ ٹو مکہ منصوبے کیلئے سعودی حکام کو ساز و سامان کی درآمد پر ٹیکس چھوٹ ملنے کا امکان ہے جبکہ پاکستانی حجاج کی امیگریشن اور کسٹمز کلیئرنس اب مقامی ایئرپورٹس پر ہی ہوگی، اسلام آباد کی طرح کراچی، لاہور، پشاور اور کوئٹہ ایئرپورٹس پر بھی سہولت دینے کی تجویز ہے۔ا

جلاس میں  چینی کی کمرشل درآمد پر ڈیوٹیز اور ٹیکس چھوٹ کی منظوری کا امکان ہے جبکہ ود ہولڈنگ ٹیکس 5.5 سے 0.25 فیصد اور 3 فیصد ویلیو ایڈڈ سیلز ٹیکس صفر کرنے کی تجویز بھی ایجنڈے کا حصہ ہے۔